• Inscription
settingsLogin | Registersettings
La première fois ici ? Consulter la FAQ!
x
Afficher Le Menu

TALEFF !! اول خطوة غانديرها ف فرانسا ومزال تالف

0 votes
سلام عليكم, انا سميتي محمد 23سنة تانسكن فرباط بقات ليا شهراين نجي لفرانسا وماعندي حد تما وما عارف منين ندوز, تقهرت هنا بهاد تمارا ولقراية, ثلاث سنوات هدا رابع فلافاك قتصاد صافي طلع ليا داكشي فراس وخا كانت عزيزة علية ديك شعبة, ولكن معاماعنديش لفرونسي كنت تايخصني نخدم مزيان باش يلاه نعلرف شنو تانقرا اصل كنت باك فيزيك يعني كانت لخدما مدوبلا ههه, ماعنديش منحة و'خويا صغير' عندوا عطاوها ليه ملي شكيت قالوا ليا نتا قديم ماعدنا مانديروا ليك حنا تانعطيوها غا لجداد, ماعلينا واخا مالين دار شوياعلى قد لحال كنت تانخدم بزاف باش نجيب فلوس جيب ودوران ومن بعد شدات فينا البلية لمهم هدا لعام رابع مامشيتش نقرا عيت, وصافي مع الخاريج ديما كان داي ليا غقلي واخة ماكنتش كانحلم بفرانسا كاع كنت تا انا مع العشاق ديال هوليوود ولندن وبريتش كولومبيا, ولكن لمكاتيب حطات لينا فرانسا بين الاختيارات ومزيان على كل حال ماغتكونش بحال تمارا الكحلة لدربت فالمغريب وماغتكونش فيها لقراية بحال هنا تبريباري تاتعيا وماتفليديش وديما ناقسني موديل على دوك, وللمهم تعاونوا معيا مالين دار شريت واحد كونطرا شغل لفرانسا فيها 3 ثلات سنوات ولكن كاتوصل تما تيخصك دبلر على راسك... هادشي لاش جيت نسولكم باغي نخدم ماعرفش كيفاش نبدا هنا واش خاصني ندفع سفييات كيف لمغرب ولا كاينيين مواقع مع العلم ماعندي تاديبلوم منغير لباك وشي عوام فلافاك لمهم انا باغي نخدم فاش ماكان ومزال ماعرف الى مدينة غانسكن فيها واش شمال واش الجنوب شي تايقول ليا لجنوب فيه لخدمة فالفلاحة سلك بيها فلول ولكن لمغاربة ودزايرين عمروه بزاف ودراري فالقهوة تايقولوا ليا شمال عنصورين وماتيبغيوش يخدموا لعرب و قاليك عاد فيه سورين كتار, لمهم ولله ماعرف منين غانبدا  داك سيد مول لكونطرا غانبقا معاه شهر من بعد خاصني ندبر على راسي يعني خاصني نخدم ونكري وماعارف فين ندور ولا نقلب وخاصني عاد نتسوفا ونرد لمالين دار وعندي قشلا دالخوت كايتسناو شكون يصوفيهوم ماشاكيل ولله, كنت فالمغريب كولا عام كانقرا و كانخدم بزاف كيسي فريسطو واحد سيد كانعرفا من بعد خدمت مع محاسب واحد شوية خدمت مساعد صيدلي ومن بعد خدمت مساعد وكيسي فكينتاكي من بعد وليت تانبيع شي توشيات خصرت فداكشي وهادشي تانقرا فلافاك تانخدموا 8تال12 ساعة فنهار ماعدناش فالمغريب ديك دوام جزئي لطلابة كنا تانخدموا بحال ليبولادهوم ههه وفصباح كنت كانجي ديما مع 4دصباح 3 كلا مرا وشنوا وماكنتش تانقد نفيق نمشي لافاك وتادابا ماكرهتش الى تيسرات الامور نرجع نقرا ولكن مازا خاصني نخدم انا دبا غادي نخدم هادشي لاش بغيت نسولكم وزعما ديجا مولف بتمارا ولكن اخوتي ولله الى مخلوع وماعارف منين نبدا ولا فين نسكن ولا نخدم ولا شي حاجة نقديها مازال ماعندي خبار عافاكوم لي عرف شيحاجة مايبخلش ولا فايت داز بشي تجربة بحال هادي يعاون بيها ولله يرحم لوليدين على كل حال وسمحوا ليا حيت طولت بزاف , سلام عليكم
posté Jan 3, 2016 dans la catégorie Non catégorisé par Medbel (120 points)
modifié Jan 3, 2016 par Medbel
  

1 Réponse

0 votes
salam an3tik tlata t l holol zwinin ana kantmana ykon 3andi bac pc hit matlob

1 trja3 l maghri o dfa3 ll ista resaux informatique ti9 biya cho3ba wa3ra o sahla f stille d les jeunes khod diplome dik sa3a sir khdam lik f france o kamal tamak f chi unvirsite d'infrmatique  dir cours du soir

2 khod licence f i9tisad o jma3 chwiya t l flos 3ad sir  khdam

daba nta bditi f i9tisad a khoya khod fiha chi haja wakha gha deug ra bac bohdo atkarfass b lbien a khoya

o ila khditi bac+2 dik sa3a hat des cv dyawlak f linkdink ay3ayto lik charikat dirha gha f google comment avoir une travaille en france aycharho lik bien o laysahal 3al jami3
répondu Jan 23, 2016 par Mi Zo (1,130 points)

Astuce

باش يجاوبوني أعضاء الموقع خاصني ندير عنوان السؤال يكون واضح وقبل ما نطرح السؤال ديالي، نقلب نشوف واش كاين شي واحد طرحوا قبل مني او نستافد من الأجوبة. ويلا ماقنعونيش الأجوبة يمكلي نطرح السؤال داك الساعات.

(: شكرا

Je Cherche d'abord :

...